Breaking News

ශාරුක්ගේ අලුත් ම රසිකයා

feature-top


බොලිවුඩ් සුපිරි තරුව, ශාරුක් ඛාන් ව ප්‍රිය කරන හොලිවුඩ් සුපිරි තරුවක් සිටිනවා. ඔහු තමයි, සෙයින් මලික්. ලොව ප්‍රකට ‘වන් ඩිරෙක්ෂන්’ ගීත කණ්ඩායමේ ගායන ශිල්පියකු ලෙස ජනාදරය දිනා ගත් සෙයින් මලික්, බොලිවුඩයේ කිං ඛාන් ව හඳුනා ගෙන ඇත‍්තේ 2015 දී. ඒ, එම වසරේදී පැවැති ‘ඒෂියන් අවෝඩ්ස්’ සම්මාන උලෙළේදී යි.

ඒ හඳුනා ගැනීමෙන් පසුව ශාරුක් රඟපෑ ‘දේව්දාස්’ චිත්‍රපටය තම පෙම්වතිය වන ගිගි හඩිඩ් සමඟ නැරඹූ සෙයින් මලික්, මෙලෙස පැවසුවා. “ශාරුක්ව මුණගැහෙන තුරු මම එයාගේ චිත්‍රපට බලල තිබුණේ නැහැ. මම එයාගෙ රසිකයෙක් වෙලා හිටියෙත් නැහැ. ශාරුක් හමුවුණාට පස්සෙ තමයි මට තේරුණේ එයා කොච්චර නිහතමානී කෙනෙක් ද කියලා. ශාරුක් රඟපාපු චිත්‍රපටය බලන කොට හිතෙන්නේ එයා අහංකාර කෙනෙක් කියලයි. ඒත් මුණ ගැහිල කතා බහ කරද්දි එයා හරිම ප්‍රිය ජනක කෙනෙක් බව තේරුණා. මගේ හිතේ මැවිල තිබුණු ශාරුක් ඛාන් කියන සුපිරි නළුවා සැබෑ ජීවිතයේ ඊට වඩා වෙනස් කෙනෙක්.”

සෙයින් මලික් සාමාජිකත්වය දැරූ ‘වන් ඩිරෙක්ෂන්’ කණ්ඩායමට ශාරුක් ගේ දියණිය සුහානා සහ පුතු ආර්යන්ගේ සිත් තුළ ඇත්තේ දැඩි ඇල්මක්. මෑතකදී පැවැති ‘ආස්ක් එස්.ආර්.කේ.’ වැඩ සටහනේදී රසිකයකුගේ ප්‍රශ්නයකට පිළිතුරු දුන් ශාරුක් පැවසුවේ සෙයින් මලික් බෙහෙවින් ම සුන්දර අයකු බවයි. ‘එයා හමුවුණු වෙලාවෙ මමයි, මගේ දරුවන් දෙන්නයි එක්ක සෙල්ෆි එකකුත් ගත්තා.’ එම ඡායාරූපය රසික රසිකාවන් අතර ජනප්‍රිය වුණා. 

උපුටා ගැනීම සිළුමින පුවත් පත ඇසුරෙනි

No comments