Breaking News

ෆෝන් චාජරයක් සොරකම් කළ වරදට අසරණ මිනිසෙකුට අත්වුණ අවාසනාවන්ත ඉරණම - (Photos)


සාපරාධී කල්ලියක් සොරකමක් සම්බන්ධයෙන් චෝදනා කරමින් අල්ලා ගත් තැනැත්තකුට වධ දෙමින් ඔහු මරා දමන ආකාරය දැක්වෙන වීඩියෝ පටයක් අන්තර්ජාලයේ හුවමාරු වෙමින් පවතිද්දී දකුණු ඉන්දියාවේ කේරළ පොලිසිය විසින් එම කල්ලියේ දෙදෙනෙක් අත්අඩංගුවට ගනු ලැබ ඈත.
සාපරාධී කල්ලිය විසින් ඔවුන්ගේ ග්‍රහණයට ගනු ලැබ අතපය ගැටගසා සිටි තැනැත්තා මරා දමනු ලැබෙමින් තිබියදී ඔහු සමඟ ගත් පින්තූර (selfies) ප්‍රචාරය කිරීමෙන් අනතුරුව එම දර්ශන දුටු ඉන්දියානුවන් සන්ත්‍රාසයට පත් වූ බව බීබීසී වාර්තාවක දැක්වෙයි.
එම කල්ලියේ ගොදුරක් බවට පත් තැනැත්තා කේරලයේ පදිංචි ගෝත්‍රික ජන සමූහයක සාමාජිකයෙකි.එම මනුෂ්‍ය ඝාතනයට හවුල් සෙසු පුද්ගලයන් අල්ලා ගැනීම සඳහා ක්‍රියාන්විත මෙහෙයුමක් පෙරට යමින් ඇති බව ඉන්දීය පොලිසිය බීබීසියට ප්‍රකාශ කර ඇත.
කේරළ ප්‍රාන්තයේ ජ්‍යෙෂ්ඨ පොලිස් නිලධාරියකු වන ප්‍රතීෂ් කුමාර් බීබීසියට අදහස් දක්වමින්, සාපරාධී කල්ලිය අතට පත් තැනැත්තාට පහර දෙමින් ඇති බවට තොරතුරු ලද වහාම එම අපරාධය සිදු කෙරෙමින් පැවති 'පලක්කාඩ්' දිස්ත්‍රික්කයේ නිශ්චිත ස්ථානය කරා වහාම පොඉල්ස් කණ්ඩායමක් යැවීමට පියවර ගත් බව සඳහන් කළේය.
"පහරදීම නතර කිරීමට පොලිසිය සමත් වුනා. ගෝත්‍රික තරුණයා වහාම රෝහල්ගත කිරීමට පොලිසිය පියවර ගත්තා. ඒත් වෛද්‍ය ප්‍රතිකාර ලබා දීමට පෙරම ඔහු මරණයට පත් වුණා" ජ්‍යෙෂ්ඨ පොලිස් නිලධාරී ප්‍රතීෂ් කුමාර් පවසයි.
තරුණයාට වධ දෙන ආකාරය 'ග්‍රැෆික්' දර්ශන සහිතව පෙන්නුම් කෙරෙමින් තිබියදී කේරළය පුරා එම අපරාධයට එරෙහිව මහජන හඬක් අවදි වී ඇත.එම දර්ශන ඇතැම් රූපවාහිනී ආයතන මගින් ද ප්‍රචාරය කර ඇත.

No comments