Breaking News

සැමියාගේ ප්‍රෝඩාවට හසු වූ රංගන ශිල්පිණිය උසාවියට....


 ටෙලි නාට්‍ය රංගන ශිල්පිනි නදීකා චන්ද්‍රසේකර කෝටිපති ව්‍යාපාරිකයකුගෙන් වන්දි මුදල් ඉල්ලා කඩුවෙල අධිකරණය හමුවේ නඩුවක් පවරා තිබුණා.
එම නඩත්තු නඩුව විභාගයට ගත් මහෙස්‌ත්‍රාත් හා අතිරේක දිසා විනිසුරු ප්‍රසන්න අල්විස්‌ මහතා වැඩිදුර විභාගය ලබන අප්‍රේල් 05 දිනට කල් තබමින් දෙපාර්ශ්වයටම එදින අධිකරණය හමුවේ පෙනී සිටින ලෙසට නියෝග කර තිබෙනවා.
මෙම පෙත්සමට අදාළව වග උත්තරකරු වශයෙන් නම්කර සිටින පානදුර ප්‍රදේශයේ පදිංචි යසන්ත සමරවීර නමැති අයකු අධිකරණය හමුවේ පෙනී සිට තිබෙනවා.
පැමිණිලිකාර රංගන ශිල්පිනිය ඔහුගේ දේශීය හා විදේශීය ව්‍යාපාර ඇතුළු දේපළ වත්කම් සනාථ කළ හැකි ලේඛන පිටපත් ගණනාවක්‌ සිය නීතිඥවරුන්ගේ මාර්ගයෙන් අධිකරණයට භාර දී තිබෙනවා.
ඇය අධිකරණය හමුවේ සාක්‍ෂි දෙමින් කියා සිටියේ තමා දිර්ඝ කාලයක්‌ තිස්‌සේම ‘රයිගම්’ හා ‘සුමති’ ඇතුළු කලා සංවිධාන කිහිපයකදීම හොඳම ටෙලි නාට්‍ය ශිල්පිනිය වශයෙන් උපහාර සම්මාන හිමිකර ගෙන ඇති බවයි.
වගඋත්තරකරු දැනට තමාගෙන් වෙන් වී වෙනත් කාන්තාවක්‌ සමඟ විවාහ වී සිටින බවත්, කලකට පෙර තමා චිත්‍රපටවල රඟපෑමට විරුද්ධව ඔහු විවිධ බලපෑම් බාධා කිරීම් සිදු කිරිම නිසා තමාගේ වෘත්තීය කටයුතු අඩාල වී සැඟවුණු හුදකලා ජීවිතයක්‌ ගත කිරිමට සිදු වූ බවත් මේ නිසා තමා අන්ත අසරණ තත්ත්වයට මුහුණ පා සිටින බවත් ඇය වැඩිදුරටත් සාක්‍ෂි දෙමින් පවසා තිබෙනවා.
තවද වගඋත්තරකරු සතුව දේශීය මෙන්ම විදේශීය ව්‍යාපාර ගණනාවක්‌ පවත්වාගෙන යන බවත් පැවසූ ඇය ඒ අතර තමාගේ නමින් කරගෙන යන වෙළෙඳ ආයතනයක්‌ ද තිබෙන බවත් හෙළි කර ඇතැයි සඳහන්.
නිතර නිතර විදේශ සංචාරවල යෙදෙන වගඋත්තරකරු මාසිකව විශාල ආදායමක්‌ ලබන කෝටිපති ව්‍යාපාරිකයකු බව ද පැවසූ පැමිණිලිකාරිය ඔහුගෙන් නඩත්තු මුදලක්‌ ලබා දෙන ලෙසට අධිකරණයෙන් අයද සිට තිබෙනවා.
පැමිණිලිකාරිය වෙනුවෙන් නීතිඥ රුචිර රන්දෙනි මහතා සමඟ නීතිඥ දසුන් නාගසේන මහතා අධිකරණය හමුවේ කරුණු දැක්‌වූ අතර වගඋත්තකරුගේ අයිතිවාසිකම් වෙනුවෙන් නීතිඥ අසාත් නානායක්‌කාර මහතා පෙනී සිට තිබෙනවා.

No comments